Mohabbat

 

 

Mohabat kar kisise,
Ye dilo ke armaan badal deti hai,
Ho jaye saccha pyar jise,
Ye vo, insaan badal deti hai.

Kyu Tha

Har shaqs mujhse anjaana kyu tha,

Vo kisi aur ka dewaana kyu tha,

Pyar main bhi karta tha use beshumaar,

Par usne mujhe thukrana kyu tha?

 

Vo beeta pal itna suhana kyu tha?

Har roz usne mujhe hasana kyu tha?

Pta tha use ki toot jaunga main,

Fir bhi jaate jaate use rulana kyu tha?

 

Meri chahat ka aaisa paimaana kyu tha?

Chota sa aashiya mera, toot jaana kyu tha?

Tanhai ka aalam aaisa hai mera, na pucho tum,

Ek mera mujhse se hi ruth jaana kyu tha?

Har shaqs mujhse anjaana kyu tha?

Main tha

Jab tere paas koi tha nahi, tab tere paas main tha,

Aaj mere paas koi bhi nahi, tu bhi nahi, mian bhi nahi.

Bachpan

Aaj fir mujhe sone do,

Mere bachpan ki yaado main, mujhe khone do,

Na thi kisi cheez ka darr, na thi koi fikar,

Mujhe vo zindigi ek baar fir jeene do,

Aaj fir mujhe sone do,

 

Har shakqs tha pyara mujhe, har pal khushiyo se bhara tha,

Na chinta thi koi kabhi, na koi kbhi besahara tha,

Aaj mujhe mere bachpan ke sapne main fir khone do,

Aaj fir mujhe sone do,

 

Dosto ke saath vo hasi ke pal guzaarna,

Kisi ke baat pe, yu ruth jaana,

Ek choti si baat se, fir jigri dost ban jaana,

Aur kisi bhi baat ko dil se na lagana,

fir mujhe mere bachpan se chup chaap milne do,

Aaj fir mujhe sone do,

Mere bachpan ki yaado man. fir mujhe khone do.   

Rehne do

Main uska gunhegaar hu, mujhe ab gunhegar hi rehne do,

Mera dil bekaraar hai, ise ab bekaraar hi rehne do,

Bewafai meri kismat ne ki mere saath, iska dosh use kyu du,

Meri raaho main ab intezaar hai, ise ab intezaar hi rehne do.

Main uska gunhegaar hu, mujhe gunhegaar hi rehne do.

 

Mera dil ab viraan hai, ise ab viraan hi rehne do,

mujh pe ik ilzaam hai, ise ab ilzaam hi rehne do,

Rula ke tujhe sukoon se main bhi na reh sakta hu kabhi,

Meri zindigi ek sawaal hai, ise ab sawaal hi rehne do.

Main uska gunhegaar hu, mujhe gunhegaar hi rehne do.

 

Ek bewafa ban gya hu main, ise ab bewafai hi rehne do,

Juda ho gya apne pyar se, ise ab judai hi rehne do,

Aj bhi tanhai hai iss zindigi main tere bina,

Iss tanhai to ab bas tanhai hi rehne do,

Main uska gunhegaar hu, mujhe gunhegaar hi rehne do.

Rula baithe

Dukhi nahi hu niraash hu apne aap se,
Ke jise saari zindigi hasaane ka vada kiya tha,
Aj jaane anjaane, use hi rula baitha main.

Keemat

Kuch bacha nahi zindigi main ab karne ko,

Tere saath the to teri keemat nahi jaani,

Tere jaane pe, ehsaas hua ki har keemat manzoor hai, tujhe paane ko. 

Kya hai

Tujhe kho ke ye jaana, ke khona kya hai,

Tere bina jeena bhi, jeena kya hai,

Kasoor tera nahi meri kismat hi bewafa nikli,

Tujh bin mera hasna, agar hasna ye hai, to fir rona kya hai.

Kaisi uski udaan thi

Chod chala vo parinda mere aashiyan ko,

jis parindey se meri ek pehchaan thi,

reh gya main fir se akela,

ye jaane kaisi uski udaan thi.

 

Reh guzar tha vo mera,

meri ek vo jaan thi,

kar gya mujhe be-sahara

ye jaane kaisi uski udaan thi,

 

Na socha usne ek baar bhi mere vajood ko,

Udd chala vo leke khud ke naseeb ko,

na samjha maine ke, uske dil main bhi armaan thi,

ye jaane kaisi uski udaan thi.

 

Tanha vo bhi ho ga mere bina, janta ye bhi hu,

chahata vo bhi na tha, jaanta ye bhi hu,

Jaanta hu main ki uski bhi ek pehchaan thi,

ye jaane kaisi uski udaan thi.

Likhta hu

Main Shabd nahi likhta,

Mann ke jazbaat likhta hu,

Koi kavita na samjahna ise,

Main sirf Tuute dil-o ke halaat likhta hu.

Darta nahi main

Darta nahi main marne se,

Darta hu tujhse bichadne se,

maut to aani hai ek baar,

Dar lagta hai tujhse bichad ke, roz marr marr ke jeene se.

Layak

Tera layak nahi main, ye sahi kehti hai tu,

Ye baat agar jhooth hoti, to aj mujhse tu duur na hoti.

Zamane

Koi hota mera bhi iss zamane main agar,

To yu meri raate, tanha aansuon main na guzarti.

Muskurahat

Kisi ki muskurahat se uski khushi ka andaaza na laga aye dost,

Ke Aksar, unki muskurahat gamo ko chupane ka ek zaria  maatr hua karti hai.

Kareeb

Kareeb mere the aj vo bahut,
Par har labzz maano hoton pe taher se gaye,
ankhein sirf use hi dekhti reh gai,
aur jazbaat mere ek baar fir sawar gaye.

Nahi Main

Hawa ka kahi koi jhoka to nahi main,

yaado ki ek saugaat to nahi main,

kisi ke liye pyar kabhi to,

kisi ke liye ek jazbaat to nahi main,

koi mujhe aashiq kehta hai, koi mujhe deewaana,

Koi mujhe paheli kehta, koi mujhe afsaana.

kisi ke dil ka kahi koi dhoka to nahi main,

hawa ka kahi koi jhoka to nahi main.

 

Kisi Ke liye kahi pagal to nahi main.

Ek dil ke liye kahi ghayal to nahi main,

Hasne ki wjaha kabhi nahi,

Aasun ka tere kaaraan to nahi main,

Aashaon ki bhujhti hui ek lau nahi par,

Ujda hua kisi ka, kahi koi aashiyana to nahi main,

chaha bahut pyar karna kisi ko,

Par uske layak, shayad nahi main.

Shaqs

Har shaqs dhoondhta hai, mujh main kisi na kisi ko,

Iss kashma-kash main vo, mera hi vajood bhool baithe.

Mere Bagair

Khush hai kahi tu mere bagair, ye jaanta hu mai,

Par mera haal bhi vahi hai, koi keh nahi sakta.

Mujhe Sone Do

Ek Aakhri baar mujhe sone do,
Uski yaado ki godd main ek baar aur khone do,
Jee nahi sake uske saath to kya hua,
Marne ke baad ek baar uska hone do.
Ek aakhri baar mujhe sone do.

Maine dekhe bahut the uske saath sapne,
Ki khushiya hongi bahut, daaman me apne,
Ek umeed main hi jaiye jaa rahe the,
Na ho tujhse juda, bas yehi dua kiye ja rahe the,
tere kabil kabhi the na hum, ye jaan gaye,
Aur ek baar mujhe jee bhar ke rone do,
Ek Aakhri baar mujhe sone do,

Aankhe rehti hai namm meri,
Dil main ek tufaan rehta hai,
jaane koi apna ab mujhse hi, yu anjaan kyu rehta hai,
ho jaati ye duriya kamm to jaan leti tum bhi ye,
tere bin ye dil ka aashiya, ab kitna viraan rehta hai

Kaash kabhi tum

Kaash kabhi tum meri hoti
Un tanha raato main,
mere ek saathi hoti,
Apne us muskaate chehre se,
Mujhse kuch apni baate karti,
Kaash tum kabhi meri hoti.

Un naazuk naazuk ungliyo se tum,
Fir mere baalo ko sehlaati,
Mera naam pyar se tum,
Ek baar fir bulaati.
Apne baaho ke haar kabhi fir tum,
Mere gale main daalti,
Kaash kabhi tum meri hoti.

Suladeti mujhe tum fir,
Mera sir sehlakar,
Fir meri palko ko,
Ek auur baar tum chuumti,
Kaash kabhi tum meri hoti.

Ehsaan

Mujhe khud pe ek ehsaan aur karne do,

Meri zindigi mujhe tere naam aur karne do,

Ab aur na chupa sakenge tere liye pyar iss dil main,

Mujhe Izhaar-E-Mohabbat khul-e-aam aur karne do.

 

Tere pyar main khud ko badnaam aur karne do,

Ek baar apna dil bhi mohbaat ke naam aur karne do,

Tere mohabaat ke kabil nahi main, ye sochna tera galat hai,

Ek baar mujhe bhi apni mohbaat sabbit aur karne do.

Sota hu

Aankho main aasu, labo pe ek muskaan liye sota hu,
Apni aankhon main teri pehchaan liye sota hu,
Teri trha khushi ka dikhawa nahi kar sakta,
Har raat seene main ek armaan liye sota hu.

Har baar Teri yaad main rota hu main,
Jaane kyu tujhe pyar itna karta hu main,
There saath ne mujhe jeena sikha diya iss kadar,
Ke harr raat ab taaron ki Chao main sota hu main. 

Chupa li

Teri tasveer sab se chupa li maine,
Vo haseen pal aankhon main basa li maine,
Ek arsa hua tujhse bichde hue aaisa lagta hai,
Ke aj bhi khushboo tere saason ki, apne main sama li maine,

Nakli hasi apne hoton pe saja li maine,
Tere saare dukh chura li maine,
Bhool jao mujhe, par meri yaadon ko na bhoolna,
Ki un yaadon main ek aashiya bana li maine.

Kabil

Kisi ke pyar ke kabil nahi main,
Kisi ke iqraar ke kabil nahi main,
Har shaqs shayad muh mod leta hai mujhse isi liye shayad,
Ke kisi ke izhaar ke kabil nahi main.

Ek baar koshis ki hoti tune mujhe samajhne ki,
Ek baar mauka deti meri kismat, mujhe bhi pyar karne ki,
Rehta hu akelepan main aksar isi liye ke,
Ab Kisi mehfill ke kabil nahi main,

Ek baar kiya hota sawal tune bhi mujhse,
Ke mere pyar pe viswas ho jaata tujhe,
Yu khud ko durr kar liya tune mujhse,
Ek baar bol dete mujhe main khud juda ho jaata tujhse.

Jeena nahi aata

Har baar mujhe koi, chehra nahi bhaata,
Tere bina mujhe jeena nahi aata,
Tujh bin koi main,geet nahi gun gunaata,
Tere bina mujhe jeena nahi aata.

Har shaqs mujhse durr hai jaata,
Kyu mujhse koi vafa nahi nibhata,
Ab tu bhi mujhe hai saari raat rulata,
Tere bina mujhe, jeena nahi aata.

Tujhse hai koi mera, pichle janam ka naata,
Phir bhi kyu mere dil ko hai tu tadpata,
Tujh bin ab zindigi main hai ek sannaata,
Tere bina mujhe, jeena nahi aata.

Durr

Jaanta nahi ye main,

Par koi to wajha hogi teri, mujhse durr jane ki,

Ke bewjaha, saya kabhi jism se alag nahi hota.

Keemat

Chahate to paa lete tujhe kisi bhi keemat pe,
Par dilo ke maamle main, keemat nahi di jaati.

Awara dil

Dhundhna ho agar mujhe to kahi khud main dhudhna,

Teri tarha main bhi ek, awara dil hu,

Rehta hu kisi aur jism main, dhadkta hu kisi aur ke liye.

Nafrat

Ye kismet bhi meri bewafa nikli aaisi,
Chale the tujhse muhabbat karne,
Aur ab bas teri nafrat ke kaabil banke reh gye.

Ek Beeta Hua Pal

Ek beeta hua pal hu main, mujhe guzar jaane do,

Tuuta hua ek khawab hu main, mujhe bikhar jaane do,

Maangta nahi tujhse main kuch aur, bas itna kehna hai,

Ek ek ruthi hui taqdeer hu main, mujhe sawarr jane do.

 

Ek pagal dil hu main, mujhe behal jaane do,

Ladkhadate se mere kadam, isse sambhal jaane do,

Teri yaad aur tere sapne, ab saathi hai mere,

Inki aagosh main mujhe, pighal jaane do,

 

Teri aankhon ka nasha aj, mujh pe chad jaane do,

Mere pyar ko hadd se aj, guzar jaane do,

Aasaan nahi mujh jaise tadap tadap ke jeena,

Ke mujhe maut ke baaho main lipatt jaane do,

Ek beeta hua pal hu main, mujhe guzar jaane do.

Tu Mera Aashiyana

Ek panchi hu main, tu mera aashiyana,

Meri zindigi jeene ka tu hi ek bahana,

Hawa ke paro par tairtan tera ek nazrana

Teri sohbat se mehroom guzra hua ek zamana,

 

Jhuki nazar kehti hai, vo mujhse aj bhi pyar karti hai,

Kehti nahi mujhse vo, le aj bhi vo mujh pe marti hai,

Ek baar pukar lo mujhe fir ussi pyar se, ke khatam karo ab yu satana,

Ke Ek panchi hu main, tu mera aashiyana,

 

Darr lagta hai ki tujhe kahi durr na ho jau,

Iss zalim duniya ki aagoosh main, kahi na kho jau,

Ek baar to soch lo mere dil ke ye bhi jazbaat, ke bas karo mujhe yu rulana,

Ek panchi hu main, tu mera aashiyana,

Meri zindigi jeene ka tu hi ek bahana,

Mujhe Koi naam na do

Ek gumnaam chehra hu main, mujhe koi naam na do,

Tanhai ka mere, mujhe ilzaam na do,

Ek baadal hu main, guzar jaunga tere zindigi se,

Ke unn chand palo ke, mujhe koi inaam na do.

Ek gumnaam chehra hu main, mujhe koi naam na do



Kuch palo ka vajood hai mera, ke mujh pe koi dhayan na do,

Tanha chalna naseeb hai mera, ke mujhe koi pehchaan na do,

Ho sake to do pal taher jao mere liye bhi,

Par iss raah pe chalne ka mujhe koi paigaam na do.

Ek gumnaam chehra hu main, mujhe koi naam na do,



Dil main bechaini mere, aj kuch zayada si hai,

Aankhon main nami mere, aj kuch zayada si hai,

Gumnaami ka aadi ho gya hu main, mujhe koi ehsaan na do,

Ek gumnaam chehra hu main, mujhe koi naam na do,

Tanhai ka mere, mujhe ilzaam na do.

Ye janti nahi tu

Tujh bin kitna akela hu, ye jaanti nahi tu,

Meri har ek saans main hai, ye jaanti nahi tu,

Teri zindigi main udaasi ho mere kaaran, ye gawara nahi mujhe,

bas isi liye khamoshi se laut gya gumnaam andhero main, ye jaanti nahi tu.

 

Ho sakta hai galtiya ki ho maine bhi bhaut, ye maan leta hu main,

Jaane anjane todd diya ho dil tera, ye maan leta hu main,

Tujhse milna ek sabse haseen chez thi meri zindingi ki,

Ye tohfa main sambhal na paaya, ye maan leta hu main.

 

Har ek pal, har ek lamha yaad aate hai mujhe,

Ek akelapan reh gya hai iss zindigi main, jo sataata hai mujhe,

ye kabhi na sochna tu ki tere se juda reh paunga main,

jaanti ye tu bhi hai ki, tere dil ke kareeb hi reh jaunga main,

Teri Galat Fehmi

Tujhse koi sar-o-kaar nahi mera, ye teri galat fehmi hai,

Tujhe na koi jazbaat juda, ye teri galt fehmi hai,

Marne se darte nahi hum bas jeene ka khauf hai,

Ke tere bina kabhi jee lenge hum, ye sochna bhi, teri galat fehmi hai.

 

Har ek aansu ki boond teri, meri dil pe ek ghaav chod jati hai,

Tera sisak-sisak ke rona, har ek umeed tod jati hai,

Ye jaan ke bhi, ke tera pyar mere liye nahi tha kabhi,

Tujhe pyar karna chod dunga main, ye teri galt fehmi hai,

 

Apna dil dikha sakta tujhe to dikha deta,

Teri iss galat fehmi ko bhi zarur mita deta,

Bas saason ki dor kab tak saath denge, ye pta nahi mujhe,

Par marne ke baad bhi tujhe akela chod jau, ye teri galat fehmi hai.

Dil ki baat kabhi chupai nahi unse,

Aankhon ke jazbaat kabhi chupai nahi unse,

fir bhi andar hi andar ghutte rahe the vo,

aur jaan ke bhi ye baat kabhi chupai nahi unse.

 

Kehne ko bahut tha dil main par labzo ne saath na diya,

Aankhon main nami bahut thi par aasuon ne saath na diya,

ek baar muud ke dekh lete mujhe, Khade the hum vahi namm ankho ko le kar,

Koshish bhaut ki rokne ki tujhe par zindigi ne saath na diya,

 

meri zindigi pe mera ikhtiyar, na ho na sahi,

mere pyar se tera iqraar, na ho na sahi,

janti tu bhi hai iss bat ko, ki tujh se zayada kisi ko chaha nahi maine,

meri baato pe tuje aaitbaar, na ho na sahi.

Tujhe bhulne ki aj bhi ek nakam koshish karta hu main,

Kya pta kabhi tujhe bhulte bhulte, khud ko yaad aa jau main.

Shaam hoti hai teri yaad aati hai,
Ek thandi hawa iss dil ko chhu jati hai,

Dil ki khawaish hoti hai tere paas hone ki,
Par sirf teri yaadein hi saath hoti hai.

har lamha guzar jata hai, uski yaad main
ke kuch to baat hogi unki saath ki bhi.

Ek shaam guzre unki, mere saath bhi,
Bas karta rahu main sirf unki baat hi,

haath chhute na kabhi unka mere haath se,
har pal karta hu ibadat isi baat ki,

Aankh khulte hi ek haseen sapna aur tuut jata hai,
Ek thandi hawa iss dil ko chhu jati hai,