Shaam hoti hai teri yaad aati hai,
Ek thandi hawa iss dil ko chhu jati hai,

Dil ki khawaish hoti hai tere paas hone ki,
Par sirf teri yaadein hi saath hoti hai.

har lamha guzar jata hai, uski yaad main
ke kuch to baat hogi unki saath ki bhi.

Ek shaam guzre unki, mere saath bhi,
Bas karta rahu main sirf unki baat hi,

haath chhute na kabhi unka mere haath se,
har pal karta hu ibadat isi baat ki,

Aankh khulte hi ek haseen sapna aur tuut jata hai,
Ek thandi hawa iss dil ko chhu jati hai,

Pal

 

Pal Beeta, jazbaat beetey, beetey din aur saal,
Na beeta vo lamha mujhse na beetey uske khayal,

Na beeti uski pyari baatein, na beetey vo jazbaat,
Har pal maine maanga  bas ek uska hi saath.

Har baar sapno main hoti hai unse mulakat,
Ke Karte hai unse har baar apne dil ki baat.

Rom Rom mehka meri bas ek uski hi khusboo se,
Aai vo is duniya main bas mere liye, ek meri hi aarzoo se.

Har aarzoo main, har tamana main vo thi mere,
Har jazbaat main, har mulakaat main vo thi mere,

Par chahati kyu nahi vo mujhe, mera dil puche bas ek ye sawal,

Pal Beeta, jazbaat beetey, beetey din aur saal,
Na beeta vo lamha mujhse na beetey uske khayal,

Beetey Pal

 

Us din hum tumhe fir se yaad aayenge,
kabhi Jab beetey pal satayange,

Jab Sitaare saare baadlo main chup jayenge,
Jab tanha raat koi geet fir se gun gunayenge,
Jab zehan main kuch sawal teek ke tarha chubh jayenge,
Jab bheed main bhi hum tujhe Tanha chod jayenge,

Us din hum tumhe fir se yaad aayenge,
kabhi Jab beetey pal satayange,

Keemtey the vo pal, jo bitaye maine tumhare saath,
yaad hai teri har hasi, har ek aansu ke baad,
Tere maasoom chahre ko kabhi na hum bhool payenge,

Us din hum tumhe fir se yaad aayenge,
kabhi Jab beetey pal satayange,

Dekhoge har aks main apne, mera hai aks ab to,
Teri har saans main aayegi khushboo meri hi ab to,
Saath nahi to kya, tere dil ke kisi kone main aaj bhi zinda hu main,
Ke iss saach ko jhooth kaise banayegi tu ab to,

Tadap dekh ke meri apne ashq tum rok na paoge,
Har waqt bas yehi sochne pe tum bhi majboor ho jaoge,
sahi the hum, jo tumhe itne yaad aayenge,
Ke kabhi Jab beetey pal satayange,

Guzra Zamana

 

Jab bhi vo guzra zamana yaad aata hai,

Tere saath hone ka nazraana yaad aata hai,

Aj bhi tujhe yaad karke aankhen namm ho jaati hai,

Ke pyar dekh ke, humein apna pyar yaad aata hai.

 

Andhere se humein abb pyar hai ,

Roshni se hota dil ye bekaraar hai,

Pyar karne ki saza kab tak milegi humein, iska illm nahi humein,

Par log dekh ke yehi kehte hai, kya isi ka naam pyar hai.

 

Tu nadi main tera kinara hu,

Tu umeed, main tera sahara hu,

Yu nazrein ferr ke na satao iss dil ko iss kadar,

Ke tu mera aasmaan, aur main tera Sitara hu.

 

 

Bhulaye Nahi Bhoolta

Pehla pyar kisi ka kbhi, bhulaye nahi bhoolta,
Chhup chhup ke use dekhna, bhulaye nahi bhoolta,
Har pal usiki yaadon main rehna,
Har waqt usi ki baatein karna, bhulaye nahi bhoolta,

Har shaam tere ghar ke chakkar lagana,
Vo mujhe dekh ke tera muskurana,
Sabse nazar bacha ke tujhse baatein btana,
Tere ek aansu pe udaas hojana, bhulaye nahi bhoolta,

Ek choti baat pe tera ruuth jana,
Teri ek muskaan aane tak tujhe manana,
Har baar tujhe apne seene se lagana,
Har baar teri yaadon main fir kho jana, bhulaye nahi bhoolta .

Cigarette hai to kya hu

 

Tujhe bhulane ke liye peeta hu main,

khud ko mitane ke liye peeta hu main,

Cigarette hai to kya hua,

Tera gum bhulane ke liye peeta hu main.

 

Har ek kash main tujhe bhulata hu main,

Har ek pal main maut ke aur kareeb jata hu main,

Cigarette hai to kya hua,

Dil jalane ke liye peeta hu main.

 

Wafa nahi karti to bewafai bhi nahi karti ye,

Ke mujhe chod ke ruswai bhi nahi karti ye,

Jab chaha mujhe mil gai,

Ke teri tarha intazaar nahi karati ye.

Cigarette hai to kya hua,

Tujhe dil main samane ke liye peeta hu.

 

Janta hu ke maut ko hoton se lagata hu main,

Har kash main zindigi dhuein main udata hu main,

Manta hu har uss pal main bhool jaata hu tujhe,

Jis bhi pal main jalata hu isse,

Cigarette hai to kya hua.

Mujhe sone nahi deta

Koi ha jo mujhe sone nahi deta,
Rona chahata hu magar vo mujhe rone nahi deta,
Mere aashiya ko chod chala vo parinda jo kabhi mera tha,
Na jane kyu vo khud ko kisi ka hone nahi deta.

Kai sapne de chala mujhe vo chodne se pehle,
Kai yaadein de gya, dil todne se pehle,
Har baat pe meri jo khil khila ke hasta tha kabhi,
Kaun hai use jo hasne nahi deta,

Koi hai jo mujhe sone nahi deta,
Rona chahata hu magar rone nahi deta.

 Har baat pe zidd karti thi vo mujhse,
Jane Pyar kyu nai karti thi vo mujh se,
Ke har khushi dene ka kiya tha vaada us se maine,
Shayad iss baat se darti thi vo mujh se.
Kaun hai jo use mera hone nahi deta,

Koi hai jo mujhe sone nahi deta,
Rona Chahata hu magar mujhe rone nahi deta.

Rakhta hu

Ye baat hai ki gumnaam rehta hu main,
Teri har khabar din raat rakhta hu main,
Teri har saans ki aahat aati hai mujhe,
Dil ke kareeb tere jazbaat rakhta hu main.

Teri khamoshi ki awaaz sunta hu main,
Teri unnkahi fariyaad sunta hu main,
Rehta nahi tere dil main ye aur baat hai,
Par tere dil ki har awaaz sunta hu main.

To kya hua Tujh se pyar ki umeed rakhta hu main,
Ye dil sirf tere liye rakhta hu main,
Vo aur honge dil todne wale,
Ki teri har khushi hifazzat se rakhta hu main.

Tujhe maine

Dil todna to uski ek aadat ho gai hai,
Mera ishq meri ibaadat ho gai hai,
Har nazm  main ek unka hi naam aata hai meri,
Ke mujhe unse iss kadar mohabbat ho gai hai.

Shaamo seher unki yaad hi rehti hai in aankhon main,
Har ek labaz ke baat aata hai zikar unka meri baato main,
Tujhe yakeen ho na ho mujhe na chahane wale,
Ke ek aashiya banaya hai maine tera apni yaadon main.

Dil jala ke hasya tujhe maine,
Saari duniya se churaya tujhe maine,
Har pal bhool gai tu, khabar hai mujhe iski,
Par aj bhi unsapno main sajaya tujhe maine.

Meri kismat main pyar nahi

Ki har shaqs bichad gya mujhse inn raaho pe,
Jaise meri kismat main pyar nahi,
Har insaan ruthh gya iss kadar humse,
Ke dil main unke koi ehsaas nah,
Pyar ki kasmein khate the jo kabhi hamare saamne,
Aaj unhe hi iss pyar pe aaitbar nahi,

Ke kismat main pyar nahi mere, ye baat maan chukey hai hum,
Har ek shaqs ki ab sacchai jaan chuke hai hum,
Ke ab to ye dil lagane se bhi darte hai iss kadar,
Ke dil lagane ka anjaam jaan chuke hai hum.

Mana khaye honge dhoke tumne bhi kabhi,
Ke dil toota hoga tera bhi,
Ye maan ke chal har shaqs jo pyar main hai, vo dil todta nahi,
Aur dil todne wala kabhi pyar main dil jodta nahi.