ek ehsaan

Zindigi ki dhup main tum ek chhaoo thi,

Iss ufante hue sagar main meri ek naav thi,

Aap ne kabhi nahi jaana ki hamare zindigi main aapki jagha kya hai

jaise hum bhattke hue musafir aur aap ek gaon thi

Hamare liye zindigi ka dusra naam aap the,

Hamare Pyar ki pehchaan aap the,

Aap hi chale gye hame chod kar tanhaa Iss raaste pe

Nahi to hum awaaz aur aap hamari pehchaan the.

Aaj bhi dil tumhare liye bechain hai,

Tumhare liye hum aaj bhi ek anjaan hai,

Agar hamara anjaana rehna hi aap ko khushi deta hai to yehi sahi,

Par hamare liye to aap ka pyar hamesha se ek ehsaan hai.

Aap ka Pyar

Aapke pyar ke rahi hai, hame na yu bekarar karo,

Karte hai hai tumse pyar, hame na yu inkaar karo,

Pyar ka dusra naam hi zindigi hai, ye jaan lo tum

Hamari iss baat se yu inkaar na karo.

Khusiyon ke do pal jo tumse mile, vo fir na mil payenge,

Murjhaye hue vo khusboo ke fool, fir na khil payenge

Teri yaadon ke sahare zindigi kategi hamari ab to

Vo dil pe lage zakham kabhi na sill payenge.

Aaj bhi ye aankhen pyar dhundhti hai tumhare chehre main

Teri yaadein rehti hai inn band palkon ke pehre main

Ab aasuon ke siva iss zindigi main kuch nahi bacha

Ab to chahat kewal itni hai ki, dum bhi nikle to aapke baahon ke ghere main.

Manzil

Manzil alag ho par raaste mil hi jaate hai,

sabki taqdeer main pyar karne waale aate hai,

Samay pe apna le unhe

Nahi to kisi aur ke ho jaate hai.

Jis tarah samay kisi ke liye intazaar nahi karta,

saccha pyar kabhi bekaraar nahi karta

zayada tadpaona us pyar ko

Nahi to vo pyar kabhi vapis aitbaar nahi karta

Bhaagte rahe jis pyar ke liye puri zindigi, vo pyar kabhi ru ba ru na hua,

umeed thi jis makaam ki vo kabi ru ba ru na hua

Jab mila vo insaan jisne diya vo makaam,

Usse kabhi hamare pyar pe yakeen na hua.

AAS

Chahat ki aas ab kisi se na karenge

pyar ki ibaadat ab kisi se na karenge

iss toote hue dil ko leke saari zindigi aaise hi firte rahenge 

ab iss zindigi main mohabat kisi se na karenge

Karenge dua ki koi hum jaise dard main na rahe

pyar ki garmi mile, gairon ki sard main na rahe

apne pyar ko itna pyar do ki,

vo pyar tmhare pyar se mehroom n rahe

Ek baar tujhe seene se laga kar roona chahata hu,

ek baar teri godi main sar rakh kar soona chahata hu

pta nahi is janam main hame pyar milega ki nahi aapka

par ek baar fir tere pyar ke liye dubaara janam lena chahata hu.

please leave the comments if u like the poems. 

Khafa

Raat hai khafa humse, ki hum subah ka intazaar kyon karte hai
zindigi hai khafa humse, ki hum aapse itna pyar kyon karte hai
zindigi ko kaise btaye, ki pyar ke bina zindigi kuch bhi nahi
log fir bhi puchte hai, itne dard ke baad bhi hum aapse pyar kyon karte hai

Iss raat ki bebasi humne samjhi,
Teri aankhon ki udaasi humne samjhi,
Kabhi aap bhi hamare dard ko dekh pate hamari aankhon main, to baat kya thi
Par aaj aapke huton ki kamoshi humne samjhi

Zindigi Ki raah pe akele chalna ek aadat ho gai hai
hamara pyar hamari ibaadat ho gai hai,
Tujhe bahut koshish ki apne dil se nikalne ki,
Par ye koshish hi hamari chahat ban gai.

Talash

zindigi main talash thi ek aas ki,
Hame zaroorat hai aapke vishwaas ki,
Ek baar kabhi hamare dil ki fariyaad bhi sun lo,
Abhi bhi hamare zindigi main jaghah baaki hai kisi khaas ki.

Ek ajnabi ban gye hai apne hi pyar ke liye,

Kuch bhi nahi kar sakte is dil-e bekarar ke liye
Ab to apne aasuon ko bhi nahi dikha sakte tmhe

  laut ke aajao meri zindigi vapas, hum aaj bhi intazaar main hai apne pyar k liye.

Chahat ki chahat sirf tumse hai,
Mere pyar ki ibadat sirf tumse hai.
Yakeen karo tmhari aankhon main kabhi aasu aane na denge
Hamari zindigi ki virasat sirf tumse hai.

Apka Saath

saath chalte chalte tum yu dur ho gaye
baat karte karte hum yu majboor ho gye
tumse pyar karne ki galti kar baithe is kadar, kya kahe tumhe
tmhare pyar ke liye apne aap se dur ho gye

socha tha manziley saath hongi hamari.
chaha tha raaste ek honge hamare.
raaste main hi raaste alag ho gye is tarah
ki ab to lagta hai kabhi manziley bhi ek na honge hamare

is pyar ko hamesha hamne pyar kiya,
chahat ki rahon pe hamesha apna dil bekarar kiya
hmari aankhon main hamesha vahi pyar dikhega aapko
jis pyar se hamesha inkaar raha hai aapko

Zindigi

teri aankhon main zindigi ki talash hai,
Teri baaton ki hame ek pyas hai
Pyar ki taqat ko hum jante hai, isi liye tmse pyar kiya
Aur ek din aap bhi ise maanoge is baat ka hame vishwas hai.

Apke saath bitaye chand pal hame hamesha yaad rahenge
Kal bhi aapki baaton ka gulshan hum aabaad rakhenge
Teri yaadon ko dil ki gehraiyon main rakha hai sab se chupa ke.
Zindigi ke mod pe jab bhi miloge tum hame, yu hi hum apne pyar ki fariyaad rakhenge.

Ab zindigi main aapke intazaar ke siva kuch bacha hi nahi hai
Tumse itna duur hogaye, is se badi hamare liye saza  hi nahi hai
Tumhare saath zindigi bitane ke liye hum koi bhi saza seh sakte hai
Kitni bhi koshish karle ab ye dil tere bina nahi reh sakta hai.

humsafar ki khoj main nikle apni rahon pe,
Umeed thi vo milega hame khusiyon ki baahon main,
Us hamsafar ki khoj itni mushkil hogi hamare liye ye socha na tha
Ki ab to neend bhi nahi bachi in aankhon main

Khusiyon ki chahat rakhte hai hamesha se
Apne pyar pe barosa raha hame hamesha se
Par apne pyar ka saboot kaise dete hai ye humne nahi seekha kabhi
Is liye hame dard hi mila apne pyar ke badle hamesha se

Aankhon main umeed ki aarzoo aaj bhi baki hai
Tmhari khusboo aaj bhi hamare saason main baaki hai
Apne pyar ki roshni kabhi hum dhundhli na hone denge ye yakeen hai hame
Toote hai hum par bikhre nahi hai is ka saboot aj bhi baaki hai

Ek sawal

ye khamosh raat humse ek sawal puchti hai,

Roz mujhse tera hi naam puchti hai

Hum kaise btaye ki pyar karte hue bhi vo hamare na ho paaye

Vo raat mujhse pyar karne ka inaam puchti hai.

Sahil pe baithe khud ko dekh rahe hai dubte hue

Apne hi saamne dekh rahe hai sapno ko tuuthe hue

Itna majboor hai ki kuch nahi kar sakte apne pyar ke liye

Aankhon ke samne humne dekha apne pyar ko ruthte hue

Chaha bahut par tmse nafrat ho na pai,

Maanga bahut par tumsi ibaadat fir ho na pai

Hame pyar main mile itna dard ki,

Tumhari yaadon se karni chahi hamne bagavat par vo bhi hamse na ho pai